م ا م ا تبقى ايه؟؟ ماما.. طبعا كلنا عارفين الأغنية الظريفة دي.. مش عارفة ليه دايرة ف ذهني بقالها كذا يوم.. وقبليها أغنية يا هناه بتاعة حمزة نمرة.. واللي بيمدح فيها التعليم المصري بشده.. أوي .. جامد يعني..
بعد تفكير.. أو قبله..مش عارفة.. لقيت ان فعلا تعليمنا ده المفروض يبقى اسمه تجهيل.. تخريب.. اي حاجة غير تعليم.. قال واسمها وزارة التربية والتعليم..
المساوئ بتاعة التعليم الحكومي المصري كتيرة.. من ضمنها عدم مقدرتي الفظيعة ف اني اكتب رسالة رسمية باللغة العربية الفصحى.. و الأهم ان كلمة "مساوئ" دي قعدت اجرب كذا همزة علشان اشوف اي واحدة اللي صح.. ولسة مش متأكدة من ان انا كاتباها صح ولا لأ..
المهم.. انا مش هاتكلم عن المشاكل زي ما كل الناس بتتكلم فيها.. انا عايزة اكتب وادون الجمل اللي لسة عالقة ف ذهني من أول سنة دخلت فيها المدرسة لحد ما دخلت الجامعة..والدور والباقي عليك.. انت تعرف ليه بقى اللي وصل الناس تقول الجمل دي او تفعل الأفعال دي.. وفكر بقى انت ايه اللي ممكن يصلحها.. هاخليك في حيرتك زي ما الأستاذ الفنان المثقف عمرو مصطفى عايز يسيبنا نفكر.. وهتلاعبني بالأرقام هألاعبك وكده يعني..
انت من أشطر الطالبات عندي.. بس أنا طردتك بره علشان تكوني كبش فداء..
معلش يا حضرة الموجه.. أصل البنات في مسابقة أوائل الطلبة.. اما الباقي دول فهما حثالة المجتمع وبواقي القفص..هيهيهيهيهه
اهئ اهئ.. حرام عليكوا.. انا بقالي اكتر من عشرين سنة بادرس بره في الخليج وعمر ما لقيت كده ابدا.. انتوا ايه؟؟ معندكوش دم؟؟
تؤ تؤ تؤ.. رسمتك حلوة اوي وألوانها جميلة جدا بس ليه راسمة السمكة بره البحر؟؟ ده دولفين يا مس.. ايه دورفيل ده؟؟
الحسنة تخص.. والسيئة تعم.. افتحوا ايديكوا..
انسوير زا كويستيشون.. يعني اجب على السؤال..
عايزة تطلعي ايه؟؟ مخرجة سنيمائية يا مس.. اه.. طب ربنا معاكي.. اللي بعده..
عايزة اسأل سؤال.. نسيت تلبس؟ نسيت تشرب؟ نسيت تاخد المصروف؟؟ امال ناسي الكتاب ليه؟؟
والسلام عليكم ورحمة الله وبركاته.. :)
بعد تفكير.. أو قبله..مش عارفة.. لقيت ان فعلا تعليمنا ده المفروض يبقى اسمه تجهيل.. تخريب.. اي حاجة غير تعليم.. قال واسمها وزارة التربية والتعليم..
المساوئ بتاعة التعليم الحكومي المصري كتيرة.. من ضمنها عدم مقدرتي الفظيعة ف اني اكتب رسالة رسمية باللغة العربية الفصحى.. و الأهم ان كلمة "مساوئ" دي قعدت اجرب كذا همزة علشان اشوف اي واحدة اللي صح.. ولسة مش متأكدة من ان انا كاتباها صح ولا لأ..
المهم.. انا مش هاتكلم عن المشاكل زي ما كل الناس بتتكلم فيها.. انا عايزة اكتب وادون الجمل اللي لسة عالقة ف ذهني من أول سنة دخلت فيها المدرسة لحد ما دخلت الجامعة..والدور والباقي عليك.. انت تعرف ليه بقى اللي وصل الناس تقول الجمل دي او تفعل الأفعال دي.. وفكر بقى انت ايه اللي ممكن يصلحها.. هاخليك في حيرتك زي ما الأستاذ الفنان المثقف عمرو مصطفى عايز يسيبنا نفكر.. وهتلاعبني بالأرقام هألاعبك وكده يعني..
انت من أشطر الطالبات عندي.. بس أنا طردتك بره علشان تكوني كبش فداء..
معلش يا حضرة الموجه.. أصل البنات في مسابقة أوائل الطلبة.. اما الباقي دول فهما حثالة المجتمع وبواقي القفص..هيهيهيهيهه
اهئ اهئ.. حرام عليكوا.. انا بقالي اكتر من عشرين سنة بادرس بره في الخليج وعمر ما لقيت كده ابدا.. انتوا ايه؟؟ معندكوش دم؟؟
تؤ تؤ تؤ.. رسمتك حلوة اوي وألوانها جميلة جدا بس ليه راسمة السمكة بره البحر؟؟ ده دولفين يا مس.. ايه دورفيل ده؟؟
الحسنة تخص.. والسيئة تعم.. افتحوا ايديكوا..
انسوير زا كويستيشون.. يعني اجب على السؤال..
عايزة تطلعي ايه؟؟ مخرجة سنيمائية يا مس.. اه.. طب ربنا معاكي.. اللي بعده..
عايزة اسأل سؤال.. نسيت تلبس؟ نسيت تشرب؟ نسيت تاخد المصروف؟؟ امال ناسي الكتاب ليه؟؟
والسلام عليكم ورحمة الله وبركاته.. :)
ليست هناك تعليقات:
إرسال تعليق