some links you may be interested in

نظرا لما تمر به البلاد حاليا.. انا بقى مش هاتكلم زي ما الناس بتعمل... واقعد اقول تحليلي للوضع اللي عليه مصر دلوقتي.. علما اني لو هاصنف.. فهاصنف ضمن مؤيدي النخبة والثوار اللي على الفيس والتويتر.. وباحترم ناس من حزب الكنبة.. وما باطيقش بتوع احنا اسفين يا ريس.. وكنت باحب عصام شرف.. دلوقتي انا زعلانة منه وحاسة انه ما بقاش ينفع نعتمد على حاجة اسمها حكومة انتقالية.. لأنها عاملة زي العرائس.. بتتحرك بامر المجلس العسكري.. وده مجرد رأي.. أنا كنت باحترم المجلس العسكري.. بس بقاله فترة رصيده خلصان ومش عارفة ليه ماشحنش.. وللأسف الناس بقت مخنوقة من عدم فهم الأمور اللي بتحصل بشكل واضح.. وأنا شخصيا بقيت متضايقة أوي.. وفيد أب.. أوي
المهم.. أنا لقيت أشكر كل اللي بيلهموني وكل اللي باحترمهم.. وقل يا بت يا سلمى..ليه ما تعرفيش - اللي هيدخل مدونتك - وتحتيها مية خط.. قلت ليه ماتعرفيهمش على اللينكات اللي لازم تفتحيها كل ما تدخلى النت؟ ممكن تغير رأيك.. ممكن تفهم أكتر.. ممكن تعرف وجهة نظر أخرى.. وعلشان كده.. اتفضلوا.. وللمرة التانية.. شكرا للمذكورين ادناه :)..

Amr Salama's Fb. profile
http://www.facebook.com/amrmasalama
من أول الناس اللي أثروا فيا و اتعلمت منهم كتير..أولا في السينما.. وثانيا في التفكير والسياسة..مخرجي المفضل..

Mohammed Diab's Fb. profile
http://www.facebook.com/Mohamed.A.Diab
من أكتر الناس اللي باتعلم منهم.. وعنده أمل بسم الله ما شاء الله يكفي بلد.. اللي مكتئب يقرأ له.. وسيناريت جامد ومخرج رائع..

Khaled Diab's Fb. profile
http://www.facebook.com/profile.php?id=600348487
من الناس اللي باحترمهم.. وسيناريست جامد جدا..

Hamza Namera's Tw. account
http://twitter.com/#!/HamzaNamira
فنان بمعنى الكلمة.. باحترمه اوي وباحب أغانيه جدا..

Ahmed Elesseily's Tw. account
http://twitter.com/#!/ahmadesseily
انسان ذكي.. باحب تويتاته..

Ahmed Elshogiri's Tw. account
http://twitter.com/#!/shugairi
من أكتر الدعاه اللي باحبهم ودايما باتفرج على برنامجه في رمضان..

Moez Maseod's Tw.account
http://twitter.com/#!/MoezMasoud
من أعظم الدعاه اللي سمعنهم في حياتي.. بجد مفيش كلمة بيقولها غير لما بتأثر بيها بطريقة رهيبة.. من الاخر.. انسان محترم..

Amr Khaled's Tw. account
http://twitter.com/#!/_AmrKhaled_
باتابعه من أول ما ظهر..ولحد دلوقتي..انسان مبدع وذكي اوي..

TEDx Cairo's account
http://twitter.com/#!/TEDxCairo
أجمد أفكار ممكن اي انسان يسمعها.. اي لاف ات سو ماتش..

Abdo Salem's blog
http://3een-wants-to-see.blogspot.com/
مش شخصية عامة.. بس التأثير اللي باتأثر بيه لما اقرأ له.. يخليني اكون واثقة انه ان شاء الله هيكون حاجة عظيمة..

we all Khaled Saeed's Fb. page
http://www.facebook.com/ElShaheeed
دي بقى.. مش لازم اقول عليها حاجة.. لأنه اللي مايعرفهاش.. يبقى ما يعرفش حاجة اسمها انترنت..


EGY2020's Tw. account
http://twitter.com/#!/Egy20201stWC
اللي عايز يحس بامل.. ان شاالله قبل ما ينتحر على طول.. يدخل هنا.. هتحب مصر وهتعوز بجد انك تعيش لحد ما الأفكار دي تتحول لحقيقة..

دول هما الأشخاص اللي تقريبا لما بادخل على النت باتأكد من اخر اخبارهم واللي قالوه.. في ناس تانية باحبهم اوي وباحترمهم.. بس ماكتبتهم هنا لأن يا اما مالهمش اكاونتس اساسا.. او يا اما مش بيدخلوا كتير.. وبرضه باقول لهم.. شكرا..