أنا أسف

أنا أسف.. أنا أسف اني مختلف.. أنا ما قصدش اني اكون مختلف ابداً.. بس اعمل ايه؟؟ أنا كده..

أنا أسف اني مختلف.. أسف اني مش عارف اتكلم معاكوا في المواضيع اللي بتتكلموا فيها.. أسف اني مش عارف اخرج معاكوا للأماكن اللي بتتفسحوا فيها.. أسف اني مش قادر اندمج معاكوا..

أسف ان المزيكا اللي باسمعها مش عجباكوا.. اسف ان لبسي مش عاجبكوا.. أسف انكوا فاكرني مجنون.. أسف ان هدفي في الحياة غير هدفكوا.. خالص.. اسف ان كلامي مش داخل مزاجكوا..

أنا أسف.. أسف انكم فاكرين ان سكوتي ده ضعف.. أسف انكم مصدقين ان قعدتي بالكتاب اللي في ايدي بعيد عنكم ده تكبر مني.. انا اسف ان انا واثق من ان انا صح.. بالرغم ان ده مش معناه ان انتوا غلط.. بس انا اسف ان انتوا فهمتوها كده..أنا بجد أسف..

أسف ان عندي حلم وطموح ..أسف اني عاوز اطلع انسان مميز.. أسف اني شايف اني ما اقدرش اكون زيكم.. أو بمعنى اصح اني مش عايز اكون زيكم.. اقولكوا حاجة.. أنا فعلا.. مش اسف..

.. This is a massage from someone who I know.. He/She can't just say these words to the people..so I said them.. maybe this will make hem/her happy and Relieved

and this is what really matters