الاسم: سلمى سالم
السن:18 سنة
الاقامة: القاهرة-مصر
الهوايات: الرسم- الاخراج- الكمبيوتر- اي حاجة ليها علاقة بالفنون والثقافة
العمل:طالبة واتمنى اني اكون مخرجة سنيمائية ومبرمجة كمبيوتر ورسامة
الهدف من الكلام ده: محاولة للتعريف بنفسي
................................................
التدوين.. للأسف على قد ما باحب المدونات وباحس ان اللي عنده مدونة ده انسان مثقف.. على قد ما انا فاشلة في التدوين.. كان عندي مدونة قبل كده.. وقلت اجدد نفسي واعمل واحدة ثانية خالص.. بس اجيب بعض المواضيع و انقلها هنا أو اجددها قبل النقل.. بس للأسف.. بقالي ساعة بادور على اي كلمة عدلة عليها القيمة انقلها..ما لقيتش ولا واحدة.. فشل ذريع.. حاسة بسذاجة جامدة من المواضيع اللي كنت كاتباها.. وحاسة بغباء اكتر لطريقة كتابتي الأولى.. واللي بادعي ربنا انها تتغير.. و علشان كده.. انا عملت الموضوع ده.. علشان تعرف يا ايها القارئ العزيز اني في مرحلة تطوير.. يعني لسه اللي جاي افضل وبكرة احلى وكده يعني.. ^_^
ده اللي عايزة اقوله حاليا.. واهو جاري البحث عن اي شخابيط تانية ارسمها في الكراسة الالكترونية دي.. سلام
ملحوظة: طبعا لما تقرأ اي حاجة كتباها وتعجبك..ويكون عندك كلام كويس عايز تقوله..مفيش مانع من انك تقوله.. امال هم عملوا التعليقات ليه؟؟ بس ارجوك لو كلام يعصب.. بلاش منه احسن.. والتزم بشعار المدونة..بص وانت ساكت
ليست هناك تعليقات:
إرسال تعليق