اللي حصل لمالك مصطفى والدكتور أحمد حرارة وأحمد عبد الفتاح وأحمد الفقي.. وغيرهم كتير أوي من اللي اتصابوا في عينهم.. وللأسف في منهم مالحقش يتعالج ومش هيرجع يشوف النور تاني.. ده خلاني افكر ازاي بجد هيعيشوا بعد كده حياتهم؟؟ يعني .. أنا للأسف فاشلة في اني أوصل مشاعري بالكلام.. يكفيني اني حسيت قد ايه بجد دول ابطال.. وانهم فعلا يستحقوا لقب "نور مصر".
كل ده خلاني ارسم رسمة للميدان زي ما انا متخيلاه.. بس وأنا " معصوبة العينين " تماماً..
ربطت عيني بايشارب ورسمت الرسمة دي على ورقة بيضة.. رتبت الأول الالوان والفرش بترتيب معين ما انساهوش.. اعتبرت الرسمة دي تحية وشكر على طريقتي.. تحية لكل الأبطال اللي بينزلوا الميدان وبيتصابوا ومع ذلك بيكملوا.. بجد ربنا معاهم ومع مصر.. تحيا مصر..
هناك 4 تعليقات:
Amazing.
Thank you 3.Salem :)
معبرررررررره أوى و حساها جداااا و كلها الميدان و الرسمة زى ما انتى معودانا فنااااااااااااااااااااانه بجددو الألوان كلها مشاعر التحرير بس فى لون ناقص يكمل اللوحة مش عارفه هو اييه
شكرا يا منة.. ربنا يخليكي.. ولو عرفتي اللون ده ابقى ابعتي لي :)
إرسال تعليق